سمعتي عن اضطراب ما قبل الحيض الاكتئابي ؟
اضطراب ما قبل الحيض الاكتئابي (PMDD) هو مجموعة من الأعراض اللي بتحصل ل ٨٪ من للستات في سن الإنجاب قبل الدورة الشهرية من اسبوع لاسبوعين و هو مصنف كمرض نفسي. بيكون نوع شديد من متلازمة ماقبل الحيض لكن في صورة أشد.
الاضطراب ما قبل الحيض الاكتئابي بيظهر من خلال أعراض جسدية ونفسية مرتبطة بمشاكل واضحة أو ليها تأثير كبير على الشغل، المدرسة، الأنشطة الاجتماعية المعتادة، أو العلاقات مع الآخرين.
الـ PMDD ماينفعش يتشخص عن طريق تحاليل دم أو هرمونات أو لعاب. لكن التحاليل دي ممكن تستبعد أي اضطرابات تانية زي عدم توازن الهرمونات أو مشاكل الغدة الدرقية. الطريقة الوحيدة حالياً لتشخيص PMDD هي متابعة الأعراض على مدار دورتين شهريتين أو أكتر و عزيزة ممكن تساعدك تتابعي و تسجلي الأعراض
في أغلب الدورات الشهرية لازم
- يكون فيه على الأقل ٥ أعراض موجودة مع حتمية وجود على الاقل عرض نفسي واحد( زي المذكورين فوق باللون الاحمر) في الأسبوع الأخير قبل بداية الدورة
- يكون في تحسن في الأعراض بعد كام يوم من بداية الدورة.
- الأعراض تقل أو تختفي في الأسبوع اللي بعد الدورة.
تختلف طرق العلاج من شخص للتاني،ومهم تشخيص الدكتور النفسي ومناقشة طرق العلاج. وفي ناس ممكن تستجيب للتغيرات في نمط الحياة، او العلاج النفسي والأدوية زي مضادات اكتئاب و علاج هرموني.
اضطراب ما قبل الحيض الاكتئابي (PMDD) غالبًا بيختفي من تلقاء نفسه بمجرد وصول المينوبوز (انقطاع الدورة الشهرية) ،كمان ممكن تلاحظي إن الأعراض بتتحسن مع الوقت.
لو عندك الاعراض ديه او شاكة ان ممكن يكون عندك، استشيري دكتور نفسي .