شنطة الطوارئ للدورة الشهرية: خليكي دايما جاهزة

في كل بيت تقريبًا، هنلاقي علبة بسكوت قديمة مستخبية في درج أو فوق دولاب، مليانة بإبر وخيطان أو لوازم إسعافات أولية. الهدف دايمًا واحد: نكون مستعدين لأي ظرف طارئ.

بنفس المنطق، ليه ما نكونش مستعدين لاستقبال الدورة الشهرية؟

كل بنت تقريبًا مرت بالموقف ده مرة على الأقل: الدورة نزلت فجأة وهي مش معاها أي فوط صحية، وساعتها بتضطر تطلب من صاحبتها أو تستخدم المناديل لحد ما تلاقي أقرب مكان تشتري منه المستلزمات. في اللحظات دي، الدماغ بيشتغل بأقصى سرعة: ليه نزلت دلوقتي؟ يا ترى هدومي اتبقعت؟ هو في حمام قريب ممكن ألاقي فيه فوط؟ هتلحقني المناديل لحد ما أخلص مشواري؟ هل هلاقي مع حد مسكن و لا محتاجة اشتري ؟

ومع كل الأفكار دي، بتوصلي ليقين واحد: لازم أكون مستعدة للمرة الجاية.من هنا، بتطلع فكرة شنطة الطوارئ للدورة الشهرية.

عشان تسهلي على نفسك جهزي شنطة الطواريء اللي هتكون صديقتك في الوقت الصح، الي بتكون عبارة عن شنطة صغيرة فيها اي مستلزمات ممكن تحتاجيها وقت نزول الدورة الشهرية زي

• فوط صحية
• لباس داخلي او بريود اندروير
• مناديل مبللة او ناشفة
• مسكن لتسكين الالم
• كيس بلاستيك صغير للغيارات المستعملة

و تابعي عزيزة عشان تفكرك بالمواعيد و اعملي حساب ان الدورة شهرية ممكن تقدم يوم او يومين عن المتوقع، فتكوني جاهزة لمواجهة اي تحديات بسهولة وادخلي أي ظرف وانتي مطمنة ومستعدة.

استفيدى بخصم “عزيزة” وجرّبي البريود اندروير من شمسي هنا