الوَحَم والغثيان: أسبابه وطرق تخفيفها

الوَحَم أو الغثيان في الحمل من أكتر الحاجات المزعجة في أول تريمستر.

ايه هو الوحم؟ الوَحَم هو شعور بالغثيان أو القيء وقت الحمل، و بالرغم ان اسمه بيكون مرتبط بميعاد ظهوره اللي هو صبح، الا ان ممكن بظهر في اي وقت خلال اليوم. معظم الحوامل بيحسوا بالغثيان في مرحلة معينة، وغالبًا بين الأسبوع السادس والأسبوع الثاني عشر من الحمل، يعني في ثلث الأول من الحمل.

بالنسبة لأغلب الستات، الأعراض دي بتخف مع بداية الثلث التاني، ومن غير المعتاد إن الوَحَم يظهر لأول مرة بعد الأسبوع الثاني عشر ولو حصل ده لازم تراجعي دكتور لاستبعاد أي مشاكل صحية تانية.

الوَحَم طبيعي في أغلب الحالات مش خطر على جنين، لكنه ممكن يأثر على اختيارك للأكل وانتي وبيبي محتاجين تشكيلة متنوعة من العناصر الغذائية، فلو الغثيان بيخلي الأكل صعب، اتكلمي مع طبيب.

أسباب الوَحَم متنوعة، اولهم ارتفاع هرمون الحملhCG، حساسية المعدة، تغير حاسة الشم، أو انخفاض السكر في الدم، وفي أغلب الحالات ده طبيعي ومش خطر، لكن لازم تقلقي لو القيء مستمر جدًا، ومقدرتيش تاكلي أو تشربي، أو حصل فقدان وزن واضح، لان كده ممكن يكون عندي قئ مستعصي.

عشان تخفف من الغثيان و الوحم، فيه شوية خطوات عملية ممكن تساعدك تحسي بتحسن:

• كلي وجبات صغيرة ومتكررة بدل من وجبات كبيرة، وحاولي متفوتيش أي وجبة، حتى وجبات خفيفة بين الوجبات الرئيسية. أكلات بسيطة زي بسكويت ناشف أو توست ، وكمان أطعمة غنية بالبروتين زي المكسرات أو الجبن ممكن تساعد على التخفيف من احساس الغثيان.
• ابعدي عن الاكل الحراق أو الدهني، او الاكل اللي فيه توابل كثيرة.
• حاولي تشربي حوالي 8 أكواب مياه يوميًا، ويفضل تشربي المياه قبل أو بعد الأكل مش مع الأكل.
• نأخر من شرب المياه اول ماتصحي من النوم و يستحسن تكون مياه بدرجة حرارة الاوضة.
• الزنجبيل، الليمون، وفيتامين B6 (بوصفة الطبيب) ممكن يكونوا مفيدين ليكي.

الوَحَم مش علامة إن في مشكلة، بالعكس بعض الدراسات بتربطه بحمل مستقر وصحي. صحيح إنه مزعج، لكنه مؤقت وبيعدّي مع تقدم الحمل، ومع النصايح دي هتقدري تحافظي على تغذيتك وصحتك وصحة طفلك، لكن لو كان تعبك و ماثر علي اكلك و شربك يستحسن تتابعي مع دكتور.