دليلك الشامل لفهم الجهاز التناسلي للمرأة: اعرفي جسمك أكثر

الأعضاء التناسلية الداخلية:

المبيضين: هما غدتين صغيرتين موجودين على الجانبين في الرحم، ووظيفتهم إنهم ينتجوا البويضات (الخلايا اللي بيتم تلقيحها في وجود حيوان منوي وتبقى جنين) وكمان الهرمونات الأنثوية زي الإستروجين والبروجستيرون.
قناة فالوب: دي قناة بتوصل ما بين المبيضين والرحم عشان البويضة توصل للرحم .
الرحم: عضو عضلي بيشبه شكل الكمثرى، وهو المكان اللي بيتكون فيه الجنين لو حصل حمل.
عنق الرحم: هو الجزء السفلي من الرحم، وبيوصل بين الرحم والمهبل. عنق الرحم بيفتح وقت الولادة عشان الطفل يخرج.
المهبل: هو القناة اللي بتمتد من عنق الرحم لبرّة الجسم، وده بيكون ممر للولادة وخروج الدورة الشهرية.

لون المنطقة ديه بيكون أغمق درجة من لون جسمنا.

العانة: هي منطقة مشعرة اللي بتكون موجودة فوق الأعضاء التناسلية الخارجية و مشهورة اكتر بمنطقة البكيني الي موجودة اسفل البطن، مش عضو.
الشفرتين الكبيرين : دي عبارة عن طبقتين من الجلد المشعر بتمتد من منطقة العانة لحد المهبل، وبتحمي الأعضاء التناسلية الداخلية.
الشفرتين الصغيرين: دي طبقتين جلد أصغر وأرفع من الشفرين الكبيرين وبيكونوا موجودين جواها. وظيفتهم كمان الحماية ويساعدوا في تغطية فتحة المهبل وفتحة البول.
البظر : دي منطقة حساسة جدًا موجودة في أعلى الشفرين الصغيرين، وهي المسؤولة عن الإثارة الجنسية و بتمدد لجوه المهبل.
فتحة المهبل : دي الفتحة اللي بتؤدي للمهبل و وعنق الرحم، وهو ممر بيؤدي للأعضاء الداخلية و خروج الحيض.
فتحة البول : فتحة صغيرة فوق فتحة المهبل عشان اللي بيخرج منها البول.