الدورة الغير منتظمة: أسباب عدم انتظام الدورة الشهرية وقلة الطمث
كثير منا بيستخدم تعبير الدورة متلخبطة ومش منتظمة لما الدورة تتأخر او تيجي في وقت مختلف عن المتوقع لكن مش كل تأخير معناه مشكلة، في الاغلب ممكن تكون دورتك بتيجي في المعدل الطبيعي.
ايه المعدل الطبيعي و إمتى نعتبر الدورة فعلاً مش منتظمة وتحتاج متابعة؟
المدة بين كل دورة شهرية ثابتة أو مع فرق يوم أو يومين بتختلف مدتها من حد للتاني من ٢١ يوم لحد ٣٥ يوم ده طبيعي.
الدورة الشهرية تعتبر غير منتظمة لما الفترة بين الدورات تكون مختلفة بشكل كبير كل مرة، و ميزدش عن ٧ أيام، أو لما تقل عدد الدورات الشهرية في السنة بشكل واضح. ممكن تعرفي إذا كانت دورتك الشهرية منتظمة ولا لأ لو تابعتيها لمدة ٣ شهور.
أول يوم الدورة (يوم نزول دم الحيض) لحد أول يوم في الدورة اللي بعدها يعتبر مدة الدورة بتاعتك، ولو حسبتي الموضوع ده لمدة ٣ شهور ورا بعض هتقدري تحددي متوسط مدة دورتك. عزيزة هتسهلك الموضوع و تحسبلك متوسط مدة دوراتك وتقولك تفاصيل كل دورة. وكل ما تزودي دورات أكتر، كل ما التوقعات تبقى أدق في حالة ان الدورة مدتها اكثر من ٣٥ يوم، و بتيجي من ستة لتسع مرات بس في السنة نقدر نقول ان ده اسمه قلة الطمث (Oligomenorrhea) ودي حالة بتوصف الدورة الشهرية اللي بتحصل بشكل متباعد، و ده ممكن يكون بسبب:
- تغيرات هرمونية: خلل في التوازن ما بين الاستروجين والبروجسترون بسبب الضغط النفسي والإجهاد أو تغيرات الوزن أو حبوب منع الحمل.
- :مشاكل صحية زي
- متلازمة تكيس المبايض (PCOS): قلة الطمث من اشهر الاعراض الPCOS.
- أمراض الغدة الدرقية: سواء كانت خمول أو نشاط زائد.
- أورام الغدة النخامية أو مشاكل صحية مزمنة زي السكر.
تابعي دورتك بأستخدام عزيزة و لو لاحظتي إن دورتك مش منتظمة لفترة طويلة أو بدأتي تعاني من أعراض تانية زي ألم شديد، نزيف غير طبيعي، أو إفرازات غريبة، لازم تستشيري دكتور عشان تحددي السبب وتلاقي العلاج المناسب.