أول مرة بيريود

أول دورة شهرية عادة بتبدأ بعد حوالي سنتين من ظهور أول علامات البلوغ، زي نمو الثدي، وبتحصل بين سن ٨ ل ١٦ سنة حسب عوامل زي الجينات والتغذية والصحة. البريود عبارة عن نزول دم طبيعي كل شهر، وغالبًا بيكون مصحوب بأعراض زي المغص أو وجع في الظهر وتغيرات في المزاج.

في أول كام سنة، الدورة ممكن تكون مش منتظمة، وده طبيعي جدًا لأن الجسم لسه بيتأقلم. مع الوقت، هتقدري تميزي الأعراض وتتعاملي معاها بسهولة أكتر. كمية الدم الطبيعية بتكون مختلفة من بنت لبنت، لكن في المتوسط بتتراوح بين معلقــة إلــى ســتة معالق كبيــرة علــى مــدار أيــام الحيــض. و متقلقيش من اللون، الدم بيكون لونه في البداية بني غامق، وبعد كده ممكن يتحول لأحمر فاتح أو وردي حسب شدة النزيف و يرجع تاني بني و ده بيكون بسبب تفاعل الدم مع الاكسين في جو.

مهم جدًا تهتمي بالنظافة الشخصية وقت البريود و تستخدمي الفوط الصحية المناسبة ليكي، ولو عندك أي استفسارات، متتردديش تسألي حد موثوق زي مامتك او مدرستك.