سر التعب قبل الدورة فى رمضان
كتير من البنات تقولك: “ببقى ماشية كويس طول رمضان، وبعدين فجأة قبل الدورة أهنج… أكل حلويات كتير… أتعب… أزعل.”
ده اسمه الهبوط الوتيني و بيحصل قبل الدورة بحوالي ٥–٧ أيام لما: • الإستروجين بيقل • البروجسترون بيعلى • حساسية الإنسولين بتقل شوية • احتياج جسمك للطاقة بيزيد و ده بيزود شهيتك لسكريات و كاربوهيدرات • معدل الحرق بيزيد بنسبة بسيطة و ده بيزود احتباج جسمك لسعرات حرارية اكثر • واحتياجك للنوم بيزيد
عشان كده بتحسي بـ:
- جوع اكثر
- رغبة في الكربوهيدرات
- تعب أسرع أثناء الصيام
- تقلبات مزاج
- إحساس إنك مش قادرة “تكمّلي بنفس القوة”
ودي طبيعة الجسم… مش ضعف إرادة، و و بيزيد اكثر مع تكييسات المبايض
الغلطة اللي كلنا بنقع فيها هي اننا بنحاول نكمل بنفس نظام أول الشهر. نفس السعرات. نفس الرياضة. نفس التوقعات العالية، الحل هنا انك تجهزي نفسك للمرحلة ديه:
- زودي ١٥٠–٢٥٠ سعر حراري مكون من اكل صحية (مش من حلويات)
- خلي سحورك في بروتين زي الزبادي اليوناني او فول بزيت الزيتون
- نامي ٨ ساعات على الأقل
- ما تضغطيش نفسك برياضة تقيلة زي الكروس فيت و ركزي اكثر في التمارين البسيطة زي المشي او اليوجا
رمضان مش سباق. هو عبادة بتتعمل بجسم سليم ونفس مطمئنة. طبيعي جدًا إن طاقتك تعلى وتنزل خلال الشهر ،زي ما هرموناتك بتعلى وتنزل.
الذكاء إنك تشتغلي مع جسمك…مش ضده