دليل الفحص الذاتي للثدي

أكتوبر الوردي بيذكّرنا إن صحتنا لازم تيجي رقم ١. الكشف المبكر عن سرطان الثدي بيرفع نسبة الشفاء لمستويات عالية جدًا، وأبسط خطوة تقدري تعمليها لنفسِك هي الفحص الذاتي مرة كل شهر بعد انتهاء الدورة بـ ٣–٥ أيام. ركّزي إنك تتابعي أي تغيّر في شكل أو إحساس الثدي… ٥ دقايق بس ممكن تنقذ حياة.

إمتى نعمل سونار وإمتى ماموجرام؟

من 20–35 سنة: فحص ذاتي شهري + كشف عند الطبيبة مرة كل سنة. السونار عند الحاجة أو لو في تاريخ وراثي.

من 35–40 سنة: فحص ذاتي شهري + سونار سنوي.

أكبر من 40: فحص ذاتي شهري + ماموجرام سنوي لأنه أدق في المرحلة دي.

روحي لطبيبة فورًا لو لاحظتي:

كتلة جديدة
تغيّر في الجلد أو الحلمة
ألم مستمر في نفس المكان
إفراز غير طبيعي
تورّم أو تغيّر مفاجئ في الشكل

مش كل كتلة معناها سرطان… لكن كل كتلة لازم تتشاف بجدية. متأجليش، واسندي نفسك بالمتابعة. جسمِك أمانة وصحتِك أهم من أي حاجة.