الفحوصات الدورية المهمة لكل بنت او ست

في فحوصات مهم لكل بنت او ست انها تعملها بشكل دوري عشان تقدر تكتشف من بدري لو في مشكلة طبية و ده هيساعد على سرعة التدخل لعلاج المشكلة دي وفى البوست ده هنقولكوا على بعض الفحوصات دي:

• فحص الثدي: إجراء فحص الثدي ذاتيًا بشكل شهري واللي يفضل يتعمل بعد كل بريود مهم للكشف عن أي تغيرات أو كتل غير طبيعية، هتلاقى في اللينك ده طريقة عمل الفحص الذاتي (https://www.jbcp.jo/ar/understandingbreastcancer/38). بعد سن الأربعين يفضل ان كل سنة يتعمل فحص إشعاعي للثدي (ماموجرام).

• مسحة عنق الرحم (pap smear): وده فحص بيساعد في الاكتشاف المبكر لسرطان الرحم فبالتالى بيساعد من الوقاية بالإصابة بيه. يفضل يتعمل بشكل منتظم وممكن يبدأ من سن 21 سنة ويتعمل كل 3 سنين بشكل دوري. طبعا مهم تتكلمي مع الطبيب الخاص بيكي عشان تتأكدي امتى مهم تعملي الفحص ده او إذا ده الفحص المناسب ليكى او في فحوصات تانية.

• فحص المسحة المهبلية (Vaginal swap): عبارة عن فحص طبي يتم اللجوء إليه لتحديد إصابة المرأة بالتهاب المهبل خاصة إذا كانت بتشتكى من الحكة والألم والإفرازات ذات الرائحة الكريهة. ويتم اللجوء إلى مسحة المهبل في احتمالات التهاب المهبل ببكتيريا او فطريات والأمراض اللي بتتنقل مع النشاط الجنسي.

• مسح كثافة العظام (Bone Density): هشاشة العظام مشهورة اكتر في الستات وعشان كده الاختبار ده مهم خصوصا لو في عوامل خطورة للإصابة بالهشاشة او بعد سن 60.