قائمة الممنوعات الغذائية فى الحمل

أغلب الأكل والمشروبات آمنة أثناء الحمل، لكن في شوية حاجات لازم تخدي بالك منها أو تتجنبيها علشان سلامتك وسلامة البيبي.

الألبان والجبن

مسموح: لبن مبستر، زبادي، آيس كريم، أجبان صلبة أو نصف صلبة مبسترة أو مش مبسترة زي الشيدر، البارميزان، إدام، وجبن طري مبستر زي موزاريلا، فيتا، كوتيج، كريم تشيز، ريكوتا، هالومي، وجبن الماعز اللي من غير القشرة البيضاء. الجبن الطري أو الأزرق ممكن يتاكل لو اتطبخ كويس لحد ما يبقى سخن جدًا.

بلاش: أي منتجات معمولة من لبن مش مبستر، أو أي أجبان رطبة عليها القشرة البيضاء زي بري، كامامبير، شيفر، أو جبن أزرق زي جورجونزولا وروكفور.

ليه؟ ممكن يكون فيها بكتيريا اسمها ليستريا اللي تسبب عدوى و تأدي للإجهاض أو وفاة الجنين أو مرض البيبي بعد الولادة.

اللحوم والدواجن

مسموح: اللحوم كويسة مطبوخة كويس زي الفراخ، اللحم البقري بلاش: اللحوم النيئة أو مش مطبوخة كويس، الكبد ومنتجاته، و اللانشون واللحوم المصنعة . ليه؟ في خطر الإصابة ب عدوي التوكسوبلازموزيز او سالمونيلا من اللحوم النيئة، والكبد فيه فيتامين أ بكمية كبيرة ممكن تأذي البيبي.

البيض

مسموح: البيض المبستر مطبوخ كويس من أي نوع. بلاش: البيض النيء أو نص مطبوخ. ليه؟ البيض المبستر أقل احتمالية يكون فيه سالمونيلا، واللي ممكن تسبب تسمم غذائي للأم.

السمك والمأكولات البحرية

مسموح: السمك والمأكولات البحرية مطبوخة كويس، حددي الكميات:متاكليش اكثر من حصتين من السمك الدهني أسبوعيًا (سلمون، تروت، ماكريل).

بلاش: السمك النيء، السلمون المدخن أو المعالج، الرنجة و الفسيخ (اي سمك مملح)،سمك السيف، القرش (فليه قشر بياض) ، والمحار النيء، السوشي و التونا المعلبة.

ليه؟ السمك المدخن والمعالج ممكن يكون فيه بكتريا الليستريا والتونة والأسماك الدهنية فيها زئبق وملوثات ممكن تأذي البيبي.

الكافيين

مسموح: حتى ٢٠٠ ملغ يوميًا، حوالي فنجان قهوة أو كوب شاي، وقللي الشاي العشبي لو فيه كافيين أواي أعشاب ممكن تكون خطرة في أول ١٢ أسبوع.

الكحوليات

ممنوع تمامًا فى الحمل، لأنه ممكن يضر البيبي على المدى الطويل.

أطعمة تانية

• عرق السوس: البذور آمنة، لكن جذور عرق السوس لازم تتجنبيها.
• الفواكه والخضار والسلطات: اغسليهم كويس قبل الأكل علشان تخلصي من أي تراب أو بكتيريا.
• الفطر: ممكن يكون فيه ليستريا لازم تطبخ كويس و يتحفظ في التلاجة.
• الفول السوداني: آمن إلا لو عندك حساسية أو نصحك طبيبك تتجنبيه.
• الفيتامينات: ماتاخديش مكملات بجرعات عالية من فيتامين أو أي مكملات مش موصى بيها.
• القرفة و الاناناس: امنين في الحمل ما دام بناكل منهم وبنشرب باعتدال.
• كمان يفضل تتجنبي الأكل المطبوخ برة البيت، خصوصًا في الأماكن اللي مش مضمونة نظافتها، لأنه ممكن يحتوي على بكتيريا أو مكونات مضرة للجنين