الحكة والحرقان في المنطقة الحساسة: الأسباب والعلاج

الهرش و الحرقان في الفرج/المنطقة الحساسة من أكثر الأحاسيس المزعجة الي ممكن تمر بيها الست و بتحصل بسبب حاجات كتيرة مش شرط يكون ليها علاقة بالنظافة الشخصية، ممكن يكون السبب عوامل صحية أو بيئية و حتى تغييرات في الهرمونات.

منطقة الفرج من المناطق الحساسة في الجسم، وعلشان كده لما يحصل فيها أي تهيج بيكون مؤلم جدًا ومحرج في نفس الوقت و ممكن يوصل لمهبل، خلينا نعرف ايه أشهر الأسباب وراء الهرش/ الحكة:

الحساسية أو التهيج من المنتجات الكيميائية لو بتستخدمى فوط صحية او يومية معطرة او أو صابون في مواد كيميائية قوية ده ممكن يسبب تهيج و حساسية في الجلد فيخليكي تهرشي فلو لاحظتي إحساس بالهرش او الحرقان ممكن يكون ده السبب.
الملابس الداخلية الملابس الداخلية المصنوعة من مواد غير قابلة للتنفس، زي القماش الليكرا، ممكن تسبب الاحتكاك والتهيج في المنطقة الحساسة.
عدوى فطرية العدوى الفطرية زي “كانديدا”من اشهر الأسباب و ده عشان الفطريات بتسبب تغيرات في توازن الفلورا (البكتيريا) الطبيعية في المهبل وتهيج الجلد و تسبب حرقان و إحساس بالهرش و إفرازات بيضاء مجبنة بدون رائحة.
التهابات المهبل ممكن تحصل التهابات بسبب عدوي بكتيرية أو الفيروسات فتسبب حكة أو ألم أو حرقان داخل المهبل. ودا بيسبب حكة حول الفرج و إفرازات مهبلية رقيقة بيضاء أو رمادية ريحتها وحشة.
التغيرات الهرمونية التغيرات في مستويات الهرمونات، خصوصًا في فترة ما قبل وبعد الدورة الشهرية أو أثناء الحمل، ممكن تسبب جفاف في المهبل والتهيج الي بيزود احساس بهرش.
مشاكل جلدية ممكن يكون السبب وراء الهرش مشكلة جلدية زي التهابات في الجلد أو بصيلة الشعر أو الإكزيما الي ممكن تسبب كمان قشرة.

ممكن يكون السبب وراء الهرش المزمن في بعض الحالات النادرة هو سرطان، خصوصًا لو في أعراض تانية زي تغييرات في لون الجلد أو ظهور تقرحات أو نزيف خفيف وألم بعد العلاقة. لو لاحظتي أي من الأعراض دي، استشيري دكتور للاطمئنان.

علاج الهرش يبدأ بتحديد السبب، علشان تقدري تعالجي المشكلة من جذورها، البسي ملابس داخلية واسعة قطنية، واستخدمي منتجات خالية من العطور والكيماويات. بلاش تهرشي لما تحسي بحكة، لأن ده ممكن يزود الهرش ويخليه أسوأ، الاحسن انك تغسلي المنطقة ب مايه ساقعه، ده بيقلل الاحساس الهرش. لو الأعراض استمرت أو كنت حاسة إن الألم غير محتمل، لازم تستشيري طبيب مختص .