ليه فترة التبويض أسهل مرحلة في الصيام؟

في نص الدورة تقريبًا، لما تكوني في مرحلة التبويض, فجأة تحسي إنك: • مركزة • نشيطة • مزاجك أحسن • قادرة تعملي مليون حاجة

السبب بيكون عشان الإستروجين بيبقى في أعلى مستوياته. وده :

بيحسن حساسية الإنسولين ( يعني جسمك بيعرف يتعامل مع السكر بكفاءة أعلى، فيستخدمه كطاقة بدل ما يخزنه بسرعة. وده يخلي إحساس الهبوط أقل أثناء الصيام)
بيساعد على استقرار مستويات السكر فى الدم.
بيزود من طاقتك عشان الاستروجين الإستروجين بيحسن من كفاءة مصانع الطاقة جوه الخلايا، فبتحسي إن عندك طاقة أطول ومستمرة
بيظبط المزاج عشان بيزود إفراز السيروتونين والدوبامين… وده يخليكي اجتماعية أكتر، إيجابية أكتر، وواثقة في نفسك.

علشان كده كتير من الستات تحس إن الصيام سهل جدًا في الفترة دي.

و عشان تستفيدي قدر الامكان دي أحسن مرحلة إنك: • تبدأي عادة جديدة • تزودي نشاطك الرياضي بعد الفطار • تحضري أكلات صحية لباقي الأسبوع • تخططي لحياتك و شغلك

وكمان دي فترة ممتازة لو حابة تقللي سكريات أو تعملي نظام غذائي صحى … لأن جسمك هيكون متعاون معاكي.

بس متنسيش، رغم إنك هتحسي ان عندك طاقة، برضه مهم في الصيام: • تفطري على بروتين كويس + دهون صحية + ألياف • متكثريش سكريات بسيطة حتى لو حاسة إنك “مش بتتأثري” • تشربي مية كفاية بين الإفطار والسحور

إحنا مش بنعيش بنفس الطاقة طول الشهر هتقل و هتزيد… وده طبيعي جدًا لان واحتياجات جسمك بتتغير من وقت لوقت.