النظافة الشخصية في وقت البريود
خلال وقت البريود، مهم جدًا الاهتمام بالنظافة الشخصية واستخدام منتجات النظافة النسائية المناسبة هو خطوة مهمة، فلازم نستخدم فوط صحية مناسبة ونتأكد إنها بتتغير بانتظام عادة كل 4-6 ساعات عشان نتفادى حدوث بكتيريا أو عدوى أو فطريات. وكمان يفضل استخدام فوط صحية غير معطرة عشان ممكن تسبب حساسية لبعض الأشخاص. وطبعًا لازم غسل الأيدين بعد استخدام الفوط الصحية.
ضروري كمان نحافظ على نظافة منطقة المهبل، وده عن طريق غسلها بالمياه الدافئة وبدون استخدام صابون أو غسول مهبلي، وخصوصًا أنواع الغسولات اللي بتكون ليها ريحة، لأن استخدام الغسول ممكن يغير توازن الحموضة الطبيعية للمنطقة دي ويسبب التهابات.
مهم كمان استخدام ملابس خفيفة وقطنية عشان تكونى مرتاحة وشرب سوايل بكميات مناسبة.
متابعة البريود عن طريق ابليكيشن يساعدك هي كمان خطوة مهمة هتخليكى تكتشفي بسهولة في حالة ان في عدم انتظام او تغييراولو محتاجة تستشيري دكتور.