الفحص الدوري لسرطان عنق الرحم: امانتك في المتابعة

سرطان عنق الرحم من ثاني أشهر السرطانات اللي بتيجي للسيدات و بتتطور ببطء جدًا، وده معناه إن في فرصة كبيرة نكتشفه بدري قبل ما يتحول لمرحلة خطيرة. المشكلة إن المرض في بدايته غالبًا ما بيكون من غير أي أعراض، وده اللي بيخلّي الفحص الدوري ضروري حتى لو مش حاسّة باي اعراض.

الكشف بيتم ازاي و ابدا من امتي؟

فيه طريقتين أساسيين للكشف المبكر اللي:

• مسحة عنق الرحم (Pap smear): دي بتتعمل عشان تكشف لو فيه خلايا غير طبيعية في عنق الرحم قبل ما تتحوّل لخلايا سرطانية. بتتعمل كل ٣ سنين لو النتايج طبيعية. بتكون بسيطة وسريعة، و الطبيب المختص بتاخد مسحة من عنق الرحم وتحللها.

• اختبار فيروس HPV: ده بيشوف لو فيه أنواع من فيروس HPV اللي ممكن تسبب السرطان، حتى لو لسه مسببش أي تغييرات في الخلايا. بيتعمل كل ٥ سنين. ممكن يتعمل لوحده أو مع مسحة عنق الرحم في نفس الوقت.

إمتى أبدأ أعمل الكشف ده؟

من بعد سن ٢١ سنة أو بداية النشاط الجنسي لحد سن ٦٥ سنة ولو فيه تاريخ عائلي مع سرطان عنق الرحم أو إصابة سابقة بفيروس HPV، ممكن الدكتور تنصحك تتابعي بشكل أدق.

هل الستات اللي أخدوا تطعيم HPV لسه محتاجين يعملوا مسحة عنق الرحم؟

طبعًا، تطعيم HPV مايغنيش عن مسحة عنق الرحم، لأنه مش بيغطي كل أنواع الفيروس اللي ممكن هي كمان تسبب سرطان عنق الرحم. وفي احتمال إنك تكوني اتعرضتي لفيروس HPV قبل ما تاخدي التطعيم اللي مش بيعالج العدوى اللي موجودة عشان كده حتى لو أخدتي التطعيم، الفحص الدوري لسه ضروري.

الوقاية دايمًا أحسن من العلاج. التطعيم والفحص المبكر هما خط الدفاع الأول ضد سرطان عنق الرحم.