البريود اندروير: المختصر المفيد

سروال الدورة الشهرية أو البريود أندروير هي لباس داخلي بتتلبس وقت الدورة بديلة للفوط الصحية، و بتتغسل وتتلبس تاني. في أسباب كتير تخليكي تجربيها، وممكن تعجبك وممكن لأ – الموضوع بيرجع لراحتك وإيه اللي بيناسبك. في مقال ده هنساعدك تقرري إذا كانت مناسبة ليكي ولا لأ.

مميزات البريود أندروير:

• اسهل في الحركة: الطبقات الماصة في البريود أندروير أرفع بكتير من الفوط، وبتتحرك معاكي بسهولة ومن غير ما تحسي إنها بتزعجك، وكمان بتفضل ثابتة في مكانها لإنها جزء من الشورت نفسه.
• موفرة على المدى الطويل: رغم إن سعرها في البداية عالي، بس هتوفر معاكي على المدى البعيد لإنك مش هتشتري فوط كل شهر.
• ممكن تستخدميها في أكثر من حالة: رغم إن البريود أندروير معمولة أساسًا للدورة الشهرية، بس تقدري تستخدميها كمان في حالات تانية زي التسريب البولي الخفيف، الإفرازات اليومية، أو النزيف بعد الولادة.
• البريود أندروير لو تم غسلة مظبوط ولبسه للوقت المحدد ليه و بالذات المصنوع من مواد طبيعية بيقلل خطر الإصابة بالإلتهابات و نسبة ان يكون في أي روايح مش كويسة.

عيوب البريود أندروير:

• محتاجة شوية استثمار في البداية: علشان تبقي جاهزة لدورتك، هتحتاجي يكون عندك أكتر من واحدة من البريود أندروير، وده معناه إنك هتعملي شوية استثمار في الأول علشان تعملي ستوك لنفسك.
• مش دايمًا مناسبة لكل المواقف: لو انتي خارجة اليوم كله أو في الشغل، ممكن يكون صعب تغييريها أو تحتفظي باللي استخدمتيه لحد ما ترجعي البيت.
• محتاجة عناية وغسيل باستمرار: لازم تتغسل أول بأول وتتساب تنشف كويس، فا لازم تشوفي لو دا عملي بالنسبالك.

حاجات تخلي بالك منها لو بتستخدمي البريود أندروير:

• البريود أندروير مش بتتلبس طول اليوم، لازم تغيريها كل ١٢ ساعة تقريبًا، أو حسب غزارة الدورة عندك، عشان تتجنبي الالتهابات او التسريب والروايح.

• البريود أندروير بتحتاج تتغسل بعد كل استخدام، علشان تفضلى محافظة على نظافتها وكفائتها. يعني أول ما تخلصي استخدامها، بتشطفيها بمية بردة لحد ما الدم يروح، وبعد كده تغسليها بإيدك أو في الغسالة من غير منعم أو كلور، و تسيبيها تنشف في الهواء.

• اختاري مقاس مناسب ليكي عشان تبقي متطمنة إنها مش هتسرب.

• لازم تتأكدي إنها نشفت كويس قبل ما تلبسيها تاني عشان الجلد ما يتحسسش أو يحصل التهابات.

  قبل ما تقرري قارني بين التكلفة والراحة. بصي على تكلفة البريود أندروير مقابل تكلفة الفوط اللي بتستخدميها كل شهر. ممكن تلاقي إنها أوفر و اريح على المدى الطويل، وممكن لأ – حسب استخدامك ولو نفسك تجربيها، ممكن تبدأي بأيام الدورة الخفيفة وانتي في البيت، عشان تجربي إحساسها وتشوفي إذا كانت مناسبة ليكي ولا لأ من غير قلق.

استفيدى بخصم “عزيزة” وجرّبي البريود اندروير من شمسي هنا